قال رضا عبد العال المحلل الرياضي ونجم منتخب مصر السابق، إن المال يلعب دورا كبيرا في كرة القدم، مشيرا إلى أنه لا يوجد انتماء في الكورة وإن الانتماء للزمالك والأهلي أصبح موضة قديمة.
وفي لقاء مع الإعلامية أسما إبراهيم، ببرنامج حبر سري على قناة القاهرة والناس، أوضح أنه أكد في تصريحات سابقة على أنه لو اتعرض على محمود الخطيب رئيس النادي الأهلي، فلوس كتير من بيراميدز هيروح، مبررا ذلك بأن الفلوس لها دور كبير أوي.
وعن رحيل رمضان صبحي لاعب بيراميدز عن الأهلي، قال: محدش هيسيب الأهلي والزمالك إلا لو فيه إغراء كبير، فهو مش هيسيب الأهلي والنجومية والجماهير والصدمات بعد كدة ويخسر مكانه في المنتخب الا لو العرض مغري، مؤكدا إن الكورة مبقاش فيها انتماء والكورة في الأيام دي فلوس وبس، وتساءل:هو اللعيب بيلعب كام سنة؟!
وأكد: مفيش لعيبة بتضحي بفلوس علشان تفضل في الأهلي والزمالك، والدليل طارق حامد الذي يرفض التوقيع لنادي سعودي إلا بـ 20 مليون جنيه، مشيرا إلى أنه 'لو خرج بره الزمالك خلاص، ولو جه يخرج دلوقتي الناس هتنساه، لأنه كبر ومبقاش زي الأول ومبقاش يستاهل الـ20 مليون'.
تابعوا آخر أهل مصر على Google News
