عمرو أديب عن تصريحات الإسراء والمعراج: «بلاش تتابعني كإعلامي لكن مش تطالب بمحاكمتي»

قال الإعلامي عمرو أديب: «أنا راجل مؤمن جدًا بالإسراء والمعراج، وهناك سورة في القرآن عن الإسراء، والمعراج أيضًا مذكورة في القرآن الكريم».

وأكمل أديب خلال تقديم برنامجه «الحكاية»، عبر فضائية «إم بي سي مصر»: «بلاش نغمات السوشيال ميديا دي، لو أنت مش مقتنع برأيي متاخدش بيه، وأنت مش مجبر تحترم رأيي».

وتابع أديب: «أنا كإعلامي مش هطلع أقول كل حاجة تعجبك، ووارد أنك تختلف معي، اختلف يا سيدي لكن سيبني أقول رأيي، ومش تطلع تقول عليا كافر، مردفا: «ممكن تطلع ترد على الرأي اللي مش عاجبك، لكن مش تطلع تطالب بمحاكمة صاحب الرأي، وبره مصر كل إعلامي له متابعين، أنت يا عم شوف الإعلامي اللي يعجبك واللي مش عاجبك بلاش لو بيضايقك، أنا مش بتكلم على شخص معين، أنا بتكلم بشكل عام».

واختتم أديب: «أنا مشوفتش حد قال هات الراجل ده نفهمه ونشرحله ونوضحله ونقوله تعالى يابني ونحكيله الحكاية، يا جماعة اللي عندنا ده مش بيحصل بره».