ارتفاع الأسعار.. أحمد موسى لوزير التموين: «الناس بتضرب أخماس في أسداس» (فيديو)

ناشد الإعلامي أحمد موسى، الدكتور علي المصيلحي وزير التموين، بتوفير المجمعات الاستهلاكية ومنافذ أهلا رمضان داخل القرى.

وخلال برنامجه 'على مسئوليتي' المذاع على قناة 'صدى البلد'، أكد موسى أن الرئيس تحدث عن المزارعين، وطالب بزيادة حافز توريد القمح لهم، مردفا: 'عاوز يدعم المواطن ويساعده ودول بيمثلوا 60% من الشعب'.

وتابع موسى: 'ودُّوا القرية، وشوفوا هيشتروا ولا لأ، الناس بتضرب أخماس في أسداس، ابعتلها عربيات متحركة زي منافذ وزارة الداخلية والقوات المسلحة، وأنا عندي 4500 قرية و32 ألف نجع وكفر، وهما دول اللي أركز عليهم'.

وواصل موسى: 'عندك مواطن يعيش في قرية، فقير وغلبان، ومايقدرش يجيب قزازة الزيت بـ30 جنيه غير مرة واحدة، ومايقدرش يجيب لحمة غير مرة في الأسبوع، وأنا بقول الكلام ده؛ لأني اتربيت في قرية بسوهاج، وعارف ظروف الناس، لو الناس ما اشتغلتش؛ متعرفش توكل أولادها ولازم أوفَّرلهم ده'.