أشاد الإعلامي عمرو أديب، بالمغني ويجز، قائلا:"، ايه كمية الجمهور دا، مش جمهور عادي دا جمهور حافظ كل أغنية.وتابع عمرو أديب خلال برنامجه "الحكاية" المذاع عبر قناة "ام بي سي مصر":"أنا من رأيي دي من أنجح الحفلات اللي اتعملت في موسم الرياض، مضيفا: "سيبك من اللي ويجز لبسه رغم أنه لابس فلانتينو مش حاجة عادية، المهم نعرف إيه الحاجة اللي بتخلي الشباب يحب الراب بهذا الشكل".
وأوضح:" طلعت بقى ناس بتاعت فضيلة يقولوا ايه اللي هو لابسه دا لا ايه اللي هو عمله دا، والراب دا نوع من أنواع الفن الصعب جدا، مضيفا:" ويجز راجل فاهم هو بيعمل ايه، اللي عايز يلبس حاجة يلبسها واللي عايز يقول حاجة يقولها.
وتابع: المستشار تركي آل الشيخ يشجع هذا النوع من الفن، مضيفًا أن ويجز يعلم ماذا يقدم، ورغم نجاحه تم توجيه النقد له، متابعًا: "ما تسيبوا الناس تلبس اللي هى عايزاه.. الولد فاهم بالظبط هو بيعمل ايه.. ويجز تقيل وفاهم مزيكا".
تابعوا آخر أهل مصر على Google News
