ده يرضي ربنا؟.. أحمد موسى منفعلًا: «الناس بتشرب سجاير على كراسي القطر»

قال الإعلامي احمد موسى، إن الدولة المصرية دفعت مليارات الجنيهات لـ تطوير شبكة السكك الحديد، ويجب علينا أن نحافظ على مكتسبات التطوير.

وخلال برنامجه 'على مسئوليتي' المذاع على قناة 'صدى البلد '، تابع موسى منفعلا:' يتم تكسير عربات السكك الحديد الجديدة والعيال بيخربوها وبيحدفوها بالطوب ويكسروا الزجاج، والناس بتشرب سجاير على كراسي القطر، وبتشيل اسفنج الكراسي بعربات القطارات'.

وأكمل موسى: 'عيال بترمي طوب وزجاج على عربات السكك الحديد، وإتلاف الكراسي الجديدة'.

وعرض موسى صورا لمظاهر إتلاف عربات القطارات الجديدة، وعلق قائلا: 'هل ده يرضي ربنا، ولابد من اتخاذ إجراءات ضد من يخرب ويتلف العربات الجديدة ويتم توقيع عقوبات رادعة عن من يقوم بإتلاف القطارات الجديدة'.