إلهام شاهين تكشف سر تحرير محضر ضد فيفي عبده (فيديو)

واجهت العرافة، الفنانة إلهام شاهين، بتكسير أفيشات فيلم، بسبب مشكلة مع فنانة، لترد إلهام شاهين، قائلةً: 'مش كسرنا أفيشات، لكن كان في فيلم كنت بمثله مع فيفي عبده أول ما مثلت، وكنت كاتبة في العقد إن اسمي يبقى الأول، وفيفي مكنتش تعرف'.

وخلال حوارها مع الإعلامية بسمة وهبة مقدمة برنامج «العرافة»، على قناة المحور، تابعت شاهين: 'لما خلصنا الفيلم، المنتج قال مش معايا فلوس أعمل دعاية، وكانت زعلانة جدا، عشان كانت في الأول ونفسها في الدعاية، لكنها قررت عمل أفيشات على حسابها، وكتبت اسمها الأول، وعملت محضر بموجب العقد، وخلتهم شالوا الأفيشات'.

واختتمت شاهين: 'على ما صدر الحكم كان الفيلم اتعرض وخلص، ومحدش فينا جاب بودي جارد، متكلمناش أنا وهي خالص، لكني حصلت على حقي بالقانون، والنقابة قالت إن الحق معي'.