شيرين رضا: أرفض منع مطربي المهرجانات من الغناء.. و«الراب» موجود في أمريكا

أكدت الفنانة شيرين رضا، أنها ضد ثقافة المنع الفني لمطربي المهرجانات، قائلة: 'أنا ضد المنع حتى المهرجانات وبحب المهرجانات جدًا، ومضايقة أنهم اتمنعوا، وهما غلطوا في حاجات، ولكن مش كل واحد يعمل غلطة يأخذ إعدام'.

وخلال حوارها ببرنامج 'حبر سري'، مع الاعلامية أسما إبراهيم، على قناة القاهرة والناس، أكدت رضا أن المهرجانات فن ابتكره المصريون مثل ما حدث مع الراب في أمريكا، مضيفة: 'المهرجانات فن احنا اللي اخترعناه وازاي نمنعه، وده زي الراب اللي موجود في أمريكا وبسمع المهرجانات'.

واختتمت رضا: 'مفيش حاجة دخيلة علينا في المجتمع المصري وبنقول أي كلام الأيام دي وكان في السينما من زمان المايوهات والقبلات والأحضان واحنا بنتقدم ولا بنتأخر، وبعدين السينما المفروض تبقى لكل الناس مش للأشخاص'.