شيرين رضا: «نفسي أحلق شعري زيرو»

أبدت الفنانة شيرين رضا، استعدادها لحلاقة شعرها مثل ما فعلت المطربة شيرين عبدالوهاب بعد أزمة انفصالها، قائلة: 'نفسي أجيب شعري زيرو وقصيت شعري قبل كده ونفسي أقصه من غير أن أتعرض لصدمة أو غيره من الظروف'.

ووجهت رضا رسالة إلى شيرين عبد الوهاب، خلال حوارها ببرنامج 'حبر سري'، مع الإعلامية اسما إبراهيم، على قناة القاهرة والناس، قائلة: 'شيرين انتي جامدة ولازم تجمدي أكثر وفكري في نفسك وبناتك وجمهورك وأصحابك وكل أزمه بتعدي، ومش كل حد وحش، وانتهاء الحياة الزوجية لا يعنى انتهاء الحياة عموما'.

وأشارت رضا إلى أنها ليست من أصحاب الدموع القريبة أو ليست سريعة البكاء، متابعة: 'دموعي مش قريبة ومفيش أي حاجة بتخليني أعيط ولا حتى في التمثيل، والعياط مش بيرجع أي حاجة تاني ولا عيطي على بابا اللي بحبه هيرجع تاني'.