اعلان
اعلان

عمرو يوسف عن واقعة ضربه لعامل بمهرجان الجونة: «كان ممكن أوديه في داهية»

عمرو يوسف
عمرو يوسف

كشف الفنان عمرو يوسف، اليوم السبت، حقيقة تعديه على عامل بالضرب، في مهرجان الجونة، بعد أن طلب التصوير معه 'سيلفي'.

وقال عمرو يوسف، خلال استضافته ببرنامج حبر سري، الذي تقدمه الإعلامية أسما إبراهيم، على قناة القاهرة والناس، قائلًا:في بني آدم هيضرب واحد طلب يتصور معاه.. هفترض أني كنت مستعجل على الطيارة، هعتذر وأقوله أنا مستعجل على الطيارة، لكن أنا بلاقي عبث مش برضى أرد عليه'.

وتابع 'يوسف'، قائلًا:'في الواقعة دي تحديدًا كنا معزومين على العشاء في ثالث يوم المهرجان، كان في ولد ماسك التليفون بخباسة وبيصور الفنانين، فاتلجلج فروحت واخد منه التليفون، فطلع يجري وحطيت التليفون في جيبي لما يرجع يدور عليه'.

وتابع عمرو يوسف قائلًا: صاحبي قالي ممكن يكون بيصور لايف.. فخرجت لقيت الولد بره قولتله افتحلي التيلفون رفض، وبعتلي واحد صاحبه، فتحلي التليفون ومسحت اللايف اللي صوره، ولقيت عليه بلاوي، وكان عليه حاجات شخصية توديه في داهية وكان ممكن أحبسه'.

وأردف حديثه قائلًا: والدة الولد كلمتني واعتذرتلي، لكن طبعًا الموضوع اتنشر علشان أنا ممثل يبقى أنا غلطان ومفتري، لكن كل ده محصلش'.

WhatsApp
Telegram