قالت الفنانة انتصار، إنها على علاقة قوية بالفنان محمد رمضان، متابعة: "مزعلش مني لما قلت إنه مش "نمبر وان"، وعلاقتي قوية به بدرجة أكبر من إنه يزعل مني".
وخلال حوارها مع الإعلامية بسمة وهبة مقدمة برنامج "العرافة"، على قناة المحور، واصلت انتصار: "أنا حاجة مهمة في حياة محمد رمضان، وهو يمثل لي ذكرى مهمة ذكرني بها، كان لسه مش معروف وصغير شوية عن كده، كان بيمشي مع صاحب شبهه أوي في مسرح البالون، وكان بشنطة هاند باج على كتفهم كأنوا خارجين من المدرسة”.
وأردفت انتصار: "دخلوا مسرح البالون، كنت واقفة مع الفنان الراحل إبراهيم نصر، والمخرج الراحل محسن إبراهيم جوه الخشبة، ولقيت 2 صغيرين ورفيعين، كنا بنعمل حاجة للشغل، وانا الوحيدة اللي انتبهت لمحمد رمضان وصحبه، فقالي إحنا بنلف في المسارح وبندور على شغل وفرص، وقلت له انت عاوز تعمل ايه، إحنا بنعمل بروفات وممكن المخرج يزعق".
وأكملت انتصار حديثها: "محمد رمضان كان عارف إن ده محسن حلمي وقالي عاوزين نوري له إننا بنعرف نمثل، فاستأذنت المخرج، ولما لقاني متحمسة قالي هاتيهم، قلعوا الشنط وقلد أحمد زكي أو محمد سعد وجابه بالظبط، وزميله عمل الشخصية التانية، وقعدوا وقت كتير، فأنا صفقت، وقلت لهم لازم يمشوا، عشان كنت خايفة أتشاط من المخرج وإبراهيم نصر، وفضلت أساعدهم عشان كنا بالليل".
تابعوا آخر أهل مصر على Google News
