زوج البلوجر أحلام عادل بعد انفصالهما: «أنا غلطان في حقك.. وبعتذر» (فيديو)

أحدث خبر طلاق البلوجر أحلام عادل صبحي من مصمم الأزياء أحمد العجمي بعد نحو شهرين من زواجهما، ضجة كبيرة عبر منصات السوشيال ميديا ومواقع التواصل الاجتماعي، خاصة بعدما كشفت البلوجر أن سبب طلاقها هو شراء عدد من سجاجيد الصلاة 'مصليات' لعدد من أصدقائها خلال تواجدها في الأراضي المقدسة لأداء مناسك العمرة.

وسردت أحلام تفاصيل الواقعة، قبل أن يخرج زوجها أحمد العجمي في فيديو عبر 'تويتر'، ليرد عليها ويعتذر لها عما حدث، قائلا: 'حقك عليا يا أحلام، آنا أسف وغلطان في حقك.. أول مرة أعمل فيديو وأطلع أتكلم فيه، حصل بيني وبين أحلام شد في العمرة، خلاف وشديتها وزقيتها وده مكنش لازم يحصل خالص، لما رجعنا من العمرة صالحتها وكنا كويسين، وبعدين حصل خلاف تاني، وزعلت مني وافتكرت كل اللي كنت بعمله'.

وتابع العجمي: 'أتمنى متزعلش مني والدنيا تروق وتدعولنا بأن ربنا يصلح الحال إن شاء الله، هي سنة أولى جواز فيها شد وكل حاجة، ولسه في طباع وعيلتين بيتعرفوا على بعض، وبنطبع على طباع بعض وربنا ييسر الدنيا، هروح لحد متخصص وأعرف ازاي نتعامل مع بعض ونتفاهم سوا، أدعولنا ربنا يهدينا، الكلمة الكويسة بتفرق'.

وفي وقت سابق ظهرت أحلام، في فيديو نشرته عبر ستوري حسابها على 'انستجرام'، كشفت فيه عن سبب طلاقها، قاشلة: 'أنا رجعت من العمرة مضروبة ومطلقة عشان جبت مصليات لزمايلي الولاد والبنات'، مضيفة: 'ملحوظة كانت مصلية مش ازازة خمرة'.