أعرب الإعلامي عمرو أديب عن تعجبه من دعوة الإخوان الإرهابية والمعارضة إلى الحوار الوطني، مضيفًا: مين قالك تعالوا أنتم قتلة.. فجأة عايزين تقعدوا معانا ومين قال إنكم موجودين.. مش بتقولوا نظام قمعي؟ إزاي هتقعدوا معانا.
وخلال برنامج "الحكاية" المذاع عبر فضائية "إم بي سي مصر" مساء اليوم السبت، تابع أديب: العجب كل العجب كان اليومين اللي فاتوا فيه ناس بتتكلم عن الحوار الوطني، ومحدش دعاها ولا هم من أهل العريس ولا أهل العروسة، الحوار الوطني دا حوار فيه أبناء الوطن وناس بتحافظ على الوطن مش تهده.
وأكمل أديب: "اللي بتسغرب منه إن جماعة الاخوان والمعارضة اللي في الخارج يحطوا شروط للحوار الوطني؟، إنتوا مالكم مين دعاكم؟.. مالكم بالحوار الوطني وعايز أفهم أنت مش شايف النظام في مصر قمعي ؟ ليه عايز تقعد معانا؟.
واختتم أديب: "أنت يا ابني مش مدعي أنت والله مش وطني وأنتوا مش وطنيين هل مرة شوفتوا حد في الإخوان بيتكلم عن مصر؟.. لا بيتكلموا عن الحاكم فقط.. ويطلعك أيمن نور ويقولك إحنا هنعمل تصور وعايزين نعمل إيه في الحوار الوطني أنت مالك انت داخل فيه ليه؟.
تابعوا آخر أهل مصر على Google News
