شقيقة طالبة المنصورة ضحية زميلها:"المتهم قالها لو انتي مش ليا هقتلك"

كشفت إحدى شقيقات نيرة أشرف طالبة المنصورة، تفاصيل حياة أختها قبل أن يتم قتلها على يد زميل لها أمام أسوار جامعة المنصورة، مؤكدة أن نيرة أشرف كانت تعيش وتقضي معها الصيف والشتاء في القاهرة، حيث تستقر الأخت المتزوجة، وتعود إلى المنصورة قبل الامتحانات فقط.

وأضافت شقيقة طالبة المنصورة، في تصريحات تلفزيونية،«القاتل قال لها لو إنتي مش ليا أنا هقتلك، ومن كتر ما بيهدد وبشتم وبيعمل كبرت دماغها من ناحيته، واخواته قالوا احنا مش قادرين عليه اتصرفوا انتوا معاه».

وتابعت شقيقة نيرة أشرف: «كانت قاعدة عندي بتشتغل وعلشان تبعد عنه، وقالت عليه ده عيل أهبل ده مش هيعمل حاجة، وكان بيدخل يشتم على صفحاتي أنا وأختي هدير، وبلغوني أصحابي اتصلوا بيا قالولي فيه بنت اسمها نيرة أشرف اتقتلت قدّام جامعة المنصورة، ونيرة أجرأ واحدة فينا».

واستطردت شقيقة طالبة المنصورة: «لا مجنون ولا مختل ولا مش عارف بيعمل إيه؛ ومخطط للجريمة كويس جدًا واداها خبطة علشان يعرف يدبحها كويس، وقالها لو إنتي مش ليا هقتلك، وكبرت دماغها من ناحيته من كتر ما كان بيهددها، وربنا يقهر أهله واحد واحد».

واختتمت شقيقة نيرة أشرف طالبة المنصورة حديثها قائلة: «ده ميرضيش حد ولا يرضي بني آدم؛ ده الحيوانات متعملش كدة، وكانت متمرمطة في الشغل علشان تبقى مضيفة طيران، وزي ما موتها يموت؛ ده عدل ربنا من قتل يقتل».