قال الإعلامي مصطفى بكري، إن حكاية سخيفة أطلقها بهلوان بيدعي إنه باتمان حلوان، وقال إيه؟ بيخلق ساحة للتنافس مكانها ميدان محطة حلوان، وحددوا يوم 13 أغسطس للتجمع في الميدان، واللي هتدور فيه بحسب أفكارهم الشاذة معارك بين المتنافسين على اللقب، واللي هيفوز بيه هو آخر واحد هيصمد في الميدان، هياخد لقب باتمان حلوان.
وأضاف مصطفى بكري خلال تقديم، برنامج 'حقائق وأسرار' المذاع عبر قناة 'صدى البلد'، أنه بمجرد نشر الفكرة السخيفة على مواقع التواصل، انضم ليها مئات الآلاف، إزاي ؟منعرفش، وكمان أيدها كتير من نجوم الفن والرياضة وشخصيات بارزة، وده اللي فتح الباب للموضوع السخيف يكبر بسرعة ويصبح حديث المجتمعات والسوشيال ميديا خلال ساعات.
وتساءل بكري عن الهدف من الدعوة بعيدا عن الألاعيب والأكاذيب اللي تم ترويجها؟ وقال «محدش يعرف، وده اللي خلي الأجهزة الأمنية تتحرى عن اللي بيحصل، وتتتبع الموضوع من أوله، وتلقي القبض على 4 من مروجي الفكرة، واللي كان دورهم دعوة الناس وحشدهم للنزول لميدان حلوان في اليومين المذكورين».
وتابع مصطفى بكري أنه بعيدا عن العمل السخيف والساخر الذي تم ترويجه، كيف يستحل البعض لأنفسهم تحريض الناس علي التجمع في واحد من أكثر ميادين مصر ازدحاما، مهما كان هدفهم، سواء تجميع أرباح عبر السوشيال ميديا أو غيرها من الأهداف الخفية.
وأوضح أن كل ذلك وغيرها من سلوكيات وشائعات تؤكد أهمية يقظة المواطنين وعدم انسياقهم خلف الشائعات والدعوات المريبة، لأني اللي فشلوا في كسر إرادة الشعب المصري عام 2013، مش هيبطلوا يستخدموا كل السبل للوصول لأهدافهم المريبة.
تابعوا آخر أهل مصر على Google News
