مازحت الفنانة شريين عبد الوهاب الإعلامية لميس الحديدي مطالبة في مداخلتها معها مخرج البرنامج أن لايضع صورتها حليقة الرأس على الشاشة وأن يضع صورتها بالشعر الطوير قائلة: 'ياراجل حرام عليك حط صورة حلوة ده أنا شبهي وأنا شعري قصير زي الشاويش عطية'.
وخلال مداخلة هاتفية ببرنامج ' كلمة أخيرة ' الذي تقدمه الإعلامية لميس الحديدي على شاشة ON'، تابعت شيرين: 'أنا مش هنسى سؤالك عليا وقت الأزمة ولا الفنانة ياسمين عبد العزيز ولا منة شلبي وكل الناس الحلوين الي سألوا عليا والجمهور وبقول للناس أنا اسفة اني بتكلم في موضوعي الشخصي وانا عارفة أن الناس في البلد عندها مشاكل أهم وأنا بقيت بحس أن موضوع بوخ '.
وإعتذرت شريين عبد الوهاب لجمهورها على الهواء قائلة: 'عاوزة أستغفر ربنا على الكذب الي كذبته عشان أخلي صورة إنسان تبقى كويسة وأنا كذبت ودي أكتر حاجة ربنا مايحبهاش هي الكذب وأنا محبوش'.
وردًا على سؤال الحديدي كدبتي في إيه؟.. قالت عبدالوهاب: كدبت في حاجات كتيرة أوي لاني بنت أصول وكنت عاوزة أرفع صورة إنسان ممكن يروح في يوم من الأيام يتجوز من عيلة تانية واخلص منه ولو كنت قلت كلام وحش وقتها مكنش هيعرف يتجوز وأنا نفسي يتجوز ويغور ويبعد عني'.
تابعوا آخر أهل مصر على Google News
