روت المطربة شيرين عبد الوهاب، كواليس علاقاتها بطليقها المطرب حسام حبيب خلال فترة الزواج، قائلة: "كنت في الساحل مع بناتي، كلمني حد وقالي عربيتك اتسرقت".
وخلال مداخلة هاتفية مع برنامج "كلمة أخيرة" الذي تُقدمه الإعلامية لميس الحديدي، عبر شاشة "on"، مساء الثلاثاء، تابعت: "العربية كانت مرسيدس وقلت حسام يركبها علشان لما ظابط المرور يوقفه في الشارع ميلقيش العربية باسم زوجته.. اتفق معايا إنه هيعملي توكيل بالبيع علشان يضمن لي حقي.. الواد كان حقاني ومش بيقبل على نفسه حاجة .. كل ده طلع كلام في الهواء وتمثيل وأنا اللي هفضل كريمة وبنت أصول".
وواصلت: "أنا فقيرة وفلوسي كلها للناس .. لو معايا فلوس الدنيا كلها هفضل فقيرة .. أنا بتاعة الناس والفلوس اللي ربنا بيديهاني بتاعة الناس.. وخدمتي لأمه وأهل بيته كان علشان خاطر أنا ست متربية لكن إنه يسرق العربية من قدام البيت ويتهمني ويبلغ المحاسب قول لشيرين إني لو مخليتوش ياخد العربية هيعملي محضر بسرقة العربية.. ده اسم فُجر".
تابعوا آخر أهل مصر على Google News
