روت المطربة شيرين عبد الوهاب، كواليس علاقاتها بطليقها المطرب حسام حبيب خلال فترة الزواج، قائلة: "والد حسام حبيب كان المتحدث الرسمي لعلاقتنا.. أنا من القلعة وممكن أروح أهد عمارتهم بإيدي".
وخلال مداخلة هاتفية مع برنامج "كلمة أخيرة" الذي تُقدمه الإعلامية لميس الحديدي، عبر شاشة "on"، مساء الثلاثاء تابعت: "أنا لو كنت أدمنت الأدوية زي ما قالوا وتعبت وتخنت كان هيبقى بسبب حياتي معاه.. أنا كنت زي البدر ولما عاشرته بقيت شبه حسن أبوالسعود".
وواصلت: "أنا مش فاضية له.. أنا بحضر أحلى أغاني وأحلى فيلم وفيه دنيا مستنياني.. لكن لما أروح أتفسح أنا وولادي وألاقي العربية تتسرق وكمان أن اللي اتهدد إنه يتعملي محضر.. فوق يابني بقى واعرف إنت بتتكلم مع مين".
وأضافت: "أنا أستاهل الضرب عشان طلعت قلت ما بيخدش مني فلوس.. أنا أسفة للناس عشان كدبت عليكوا، وهتعب عشان أرجع تاني شيرين اللي ضيعتها.. وعلاقتي بحسام عمرها ما كانت حب".
تابعوا آخر أهل مصر على Google News
