عمرو أديب عن زيادة أسعار البيض:"اللي بياكل بيضتين كفاية واحدة"

قال الإعلامي عمرو أديب إنه تحدث من قبل عن زيادة أسعار البيض «والناس قعدت تعمل نُكت وحوارات».

وأضاف أديب، خلال تقديم برنامج «الحكاية» عبر فضائية «إم بي سي مصر»: «يا جماعة الأسعار بتزيد في معظم الدول، لكن بيفكروا في حلول، والوضع ليس سهلًا، وكل همنا سعر الجبنة البيضة بكام ودلوقتي بقت بكام؟».

وتابع: «الأشهر القادمة أصعب أيام الأزمة، وأنا بقولكم أهو الأسعار أقوى من أي حد، وبتهرس أي حد».

واستكمل: «يجب على الدولة أن تتحدث مع الناس، وهل إحنا كمواطنين قررنا نقاطع السلع المرتفعة السعر؟ يا جماعة ده زمن تجار الغذاء.. وأي حد عنده فدانين خيار الله يسهلّه، فين الترشيد؟ لو سمحتوا درجة حرارة التكييف تكون عالية.. وبلاش تولعوا النور كتير، واللي بياكل بيضتين كفاية واحدة.. وطبعا بعد الجملة دي هتطلع نكت جديدة بس مش مهم».