«في ناس عايزة تعمل فتنة».. أحمد موسى يُعلق على حريق كنيسة الأنبا بيشوي بالمنيا

قال الإعلامي أحمد موسى، إن الدولة حريصة على كشف الحقائق للرأي العام في كل الملفات.

وخلال تقديم برنامجه 'على مسئوليتي' عبر فضائية 'صدى البلد'، تابع موسى: 'قبل كده حصل حرائق وانفجارات والدولة كانت بتطلع تقول كل الحقائق، ومش بتخبي حاجة.. طيب ليه هيخبوا النهارده يعني؟.. أكيد مش معقول الدولة هتخبي حاجة'.

وواصل موسى: 'لو في حاجة أو معلومات الدولة هتقول، ومش حاجة بتستخبى، ومفيش حريق يحصل ونقول لأ محصلش حريق، لكن الحقيقة بتظهر، الداخلية بتطلع بيان، والنيابة العامة، والصحة'.

حريق كنيسة الأنبا بيشوي بالمنيا

وأكمل موسى: 'مش من مصلحة أي شخص يقول إن سبب الحريق ماس كهربائي وهو مش ماس كهربائي، لو ماس كهربائي الدولة هتقول ولو غير كده الدولة هتقول برضو، ويجب عدم الانسياق وراء الشائعات بشأن حرائق الكنائس، لأن في ناس عايزة تعمل فتنة'.