مفيدة شيحة للسيدات: «قصقصي ريش جوزك.. ماشوفتش راجل مش رمرام» (فيديو)

خصصت الإعلامية مفيدة شيحة في برنامجها 'الستات'، المذاع عبر قناة 'النهار وان'، مساء اليوم الأربعاء، فقرة عن العلاقة الزوجية، حملت عنوان.. 'نظرية قصقصي ريشه هل تحقق سعادة زوجية؟'.

وقالت شيحة: 'الأمثال الشعبية دايما في منها اللي بيأكد الفكرة وفي اللي بيأكد عكسها، فنبقى محتارين ايه الصح وايه الغلط؟، حطي جوزك على السطوح ولو ليكي نصيب فيه مش هيروح! مش هيروح ليه بئه.. معجبوش الجو؟.. لأ.. ملقيش حد يخطفه من السطوح ففضل الحمد لله مكانه'.

وأكملت شيحة: 'قصقصي ريش جوزك، وعلى رأي المثل 'يا مآمنة للرجال'.. وماعتقدش أن المسألة دي ممكن تجيب نتيجة مختلفة هو دايما الثقة في الرجالة معدومة وبيحب يجرب، ومفيش راجل مش رمرام.. فإذا كنتي متمسكة بيه حافظي عليه وقصقصي ريشه'.

واختتمت: 'كل الرجالة جواهم جزء بيحب يطير ودي حاجة مهمة، وبالتالي لازم أكون عارفة وأشوف أنا عايزه الحياة دي ولا مش عايزاها'.