عمرو أديب يُطالب بخفض مستوى التضخم: "الدنيا مش فلة شمعة منورة"

بدأ الإعلامي عمرو أديب، الموسم الخامس من برنامجه "الحكاية" بعد غياب الشهر الماضي عن الشاشة.

وقال أديب إن هناك تفاؤل بمحافظ البنك المركزي الجديد، وفريقه المعاون قوي، ولكن الدنيا "مش فلة شمعة منورة"، مطالبا البنك المركزي بخفض مستوى التضخم، وتحقيق معدل نمو أفضل.

وخلال برنامج "الحكاية" المذاع عبر فضائية "إم بي سي مصر"، مساء الجمعة، تابع أديب: "لو سمحتم خدوا بالكم من المطروح النقدي اللي موجود في السوق، أنا شخصيا محافظ البنك المركزي السابق قالي بطبع فلوس، عايزين نقلل الموضوع ده، عشان بيحصل مضاعفات.. لو سمحت بلاش طباعة فلوس".

ولفت إلى أنه لاحظ ان المسئولين بيعملوا على احتواء المواطنين وطمأنتهم، معلقا: "برة بيقولوا للناس في أزمة، فيها ايه لو قولنا للناس أه في أزمة، الروس بيذلوا أوروبا، يا تقول للناس في مشكلة ونساعد بعض، يا تقول للناس كل حاجة عظيمة وشغلوا النور"، منوها بأن انفاق الحكومة من النقد ضخم ولا بد أن يقل.

وواصل: "مصر من فوق نجفة، عايز تقلل النور ولا لاء.. تحس أن خطوة للأمام وخطوتين للخلف، روحوا شوفوا الساحل نور"، لافتا إلى إنه يشعر أن هناك حالة اطمئنان في البلد، ولا يوجد أي توتر.