خصصت الإعلامية مفيدة شيحة، في برنامجها 'الستات'، المذاع عبر قناة 'النهار وان'، مساء اليوم الثلاثاء، فقرة عن العلاقات العاطفية، حملت عنوان 'إنتي حرة!'.
وخلال الفقرة قالت شيحة: 'متتصعبيش على نفسك.. متتباكيش.. متقوليش أنا ضعيفة ومخذولة ومظلومة.. اعملي حاجة لما تحسي بالشعور ده غير انك تولولي.. اخرجي من حياتك الضيقة لبراح الدنيا.. دوري على روحك على موهبتك على شغفك'.
وتابعت شيحة: 'متكتبيش بوستات عن مميزات العزوبية وأنه ملعون أبو الرجالة وانك هتحضني نفسك وتحبي نفسك وتدلعي نفسك.. لو مش متجوزة متشتميش في اللي عندهم أطفال ولا تنصحي المتزوجات'.
وواصلت شيحة: 'الموضوع أكبر وأعقد من كده.. لو لسه بنت في بداية حياتها متنصحيش أصلا لأن خبرتك في الحياة هي الكام واحد اللي ارتبطتي بيهم ولأن دي مش طريقة لطيفة لجلب العرسان.. هما بقوا اوعى من كده.. باختصار خليكي في نفسك واهتمي بيها وقوميها واسعديها بعيدا عن السوشيال ميديا'.
وانتقدت شيحة، النظرة السلبية للمرأة المطلقة من المجتمع، قائلة: 'اشربوا من البحر'.
تابعوا آخر أهل مصر على Google News
