شن الإعلامي عمرو أديب، هجوما على الفنان محمد رمضان، بسبب رد فعله خلال أزمة إقامة حفله بمدينة الإسكندرية، ورفض الجمهور لوجوده هناك.
وقال عمرو أديب في حلقة الليلة من برنامجه "الحكاية"، على قناة "إم بي سي مصر"، محمد رمضان تعامل مع حملة "غير مرحب بك" في الإسكندرية، بمنطق غريب، حيث قرر السفر إلى هناك، استفتاء الناس في الحواري "انتوا بتحبونى ولا لأ، وده شيء غريب".
وأضاف عمرو أديب: "تخيل لما محمد رمضان نزل بموتسيكلاته وسلطاته وبابا غنوجه، وحصل خناقة بين اللي بيحب محمد رمضان، وبين اللي مبيحبش محمد رمضان، تخيل كان إيه اللى هيحصل.. هو ينفع الكلام دا".
وتابع: "هو الفن غصب متعمل حفلتك، واللي عايز يروح يشوفك يروح، واللي مش عايز ميروحش، إنما تعمل تحدي في الشارع.. هو في فن بالغصب وبالمعلقة".
ووجه عمرو أديب رسالة لمحمد رمضان قائلا: "هي دا طريقة، كفاية كدا، الحفلة يوم 7 اللي عايز يحضر، يروح واللي مش عايز ميروحش، إنما هذا الأمر بهذا الشكل العشوائي والبدائي لا يصلح أبدا".
ونشر الفنان محمد رمضان مقاطع فيديو عبر حسابه الرسمي على مواقع التواصل المختلفة، عنونه بـ"ربنا يديم الحب يا اسكندرية، حق الرد.. سهل تبقى بطل ع السوشيال صعب تبقى بطل ع الأرض".
وتداولت صفحات ومواقع التواصل الاجتماعي في محافظة الإسكندرية، مقطع فيديو انتشر على نطاق واسع لاعتراض، عدد كبير من المواطنين على تواجد محمد رمضان داخل إحدى المقاهي بالإبراهيمية.
تابعوا آخر أهل مصر على Google News
