ياسمين عز للسيدات: انتي فرخة متعمليش فيها ديك

وجهت الإعلامية ياسمين عز، رسالة جديدة للسيدات اللاتي هاجمنها بسبب تصريحاتها، قائلة: 'مينفعش تقولي لجوزك وهو نازل خد كيس الزبالة في إيدك'.

وأضافت الإعلامية ياسمين عز، خلال تقديمها برنامج كلام الناس، المُذاع عبر فضائية إم بي سي مصر: 'أبوكي لو نازل من البيت عمرك ما هتقولي له خد كيس الزبالة وأنت نازل'.

وأضافت: 'فيه حكمة صينية قرأتها الصبح وعجبتني جدا وهي البيت الذي تمارس فيه الدجاجة عمل الديك مصيره الخراب'، متابعة: 'معنى الحكمة أن الفرخة متعملش شغل الديك، تسيب الديك في العشة يقوم بشغله'.

وتابعت: 'عايزة أقول حاجة للبنات الصغيرة التي تشاهدنا وتكون منبهرة بينا على الشاشة'.

وأكملت: 'البنات بتكون منبهرة بنا وتقول إن اللي على الشاشة واخدين كل حاجه سواء شغل وفلوس وشهرة وفوق كل دا ممشيين الرجالة زي ما هما عايزين'، معقبه: 'عايزه أقول لكم إن دا مش حقيقي وإننا في بيوتنا زينا زيك بالضبط بنقول حاضر ونعم'.

وأردفت: 'أنا ضد اللي البعض بيعمله وهو إني أطلع على الشاشة أقول عكس اللي بعمله في بيتي'، مضيفة: 'البنت اللي بتطلع على الشاشة زيها زيك بالضبط بتقول حاضر ونعم وتسمع الكلام'.