ياسمين عز للمتزوجات: إيه يزعلك لما جوزك يصرف على أهله؟

وجهت الإعلامية ياسمين عز، عبر برنامج كلام الناس المذاع على قناة إم بي سي مصر، سؤالا للسيدات المتزوجات، قائلة: لو جوزك شخص مقتدر ماديا، تقبلي إنه يصرف على أهله ويديهم فلوس؟'

وقالت: مش فاهمة إيه اللي بيضايق الست لما الراجل يكون بار بأهله، ده المثل بيقول اللي ملوش خير في أهله ملوش خير في حد، وطالما مش مقصر في حقك وحق بيتك، إيه الي مزعلك أنه يصرف على أهله'.

وأضافت: 'بعض السيدات فاهمة إنها طالما اتجوزت، فجوزها وماله لنفسها.'

وتابعت 'لو أخت جوزك على وش جواز، عايزة تقنعيني إنه ميصرفش على جهازها كله، المفروض تفرحي إنه بيعمل كده لانه بيستر بنت، عارفة ثواب حاجة زي دي عند ربنا عامل إزاي.'

وقالت أيضا: لو أخوه في ضيقه ولو فتح له مشروع يسترزق منه، إيه يزعلك إن جوزك راجل شهم وجدع، الفلوس ملهاش أي قيمة طول مانتي شايفة اللي حواليكي متضايقين، تخيلي لو أخوكي مكان أخو جوزكي، بذمتك مش هتكوني هتتجني وهتقولي لجوزك إيه رأيك تشغل جوزي أو تساعده'.