مصطفى كامل عن رفضه التحقيق مع حسام حبيب: "مش هدخل طرف وأنا مالي"

كشف الفنان مصطفى كامل، نقيب المهن الموسيقية، عن سبب رفضه التحقيق مع الفنان حسام حبيب بعد أزمته الأخيرة مهع شيرين عبدالوهاب.

وقال نقيب المهن الموسيقية، خلال مداخلة هاتفية لـ برنامج 'كلمة أخيرة'، تقديم الإعلامية لميس الحديدي المذاع على قناة 'أون': 'أحد الزملاء الصحفيين كان منزل ليه مصطفى كامل ميطلبش حسام حبيب كلمته وقولتله أنا مش جهة قضائية ولا نيابية اللي هيكبر موضوع شيرين هو المزايدات اللا منطقية'.

وأضاف مصطفى كامل: 'أنا لا حد جاني ولا شيرين جاتلي ولا حد من أهلية شيرين جه اشتكى في حاجة فأنا مش عايز أدخل طرف لأني أنا قاعد على كرسي مش سهل'.

وتابع: ' أنا زعلان لأني شيرين أول أغنياتها كان مع مصطفى كامل اللي هي كانت مع محمد محيي مش آه ياليل زي ما الناس متخيلة'، موضحا: ' أنا مش راجل داخل في خصوصيات الناس ومش محتك بالشارع ولا بهتم بحضور المناسبات مش كل الناس أعرف تفاصيل حياتهم'.

ووجه مصطفى كامل رالة لـ شيرين عبدالوهاب، قائلا: ' ربنا يقومك بالسلامة لبيتك ولأولادك ولفنك ولمصر والعالم العربي ولنفسك قبل أي حد.. ورسالة مني للجميع التزموا الصمت وفي مزايدة بشكل مش طبيعي'.