محمد الغيطي لـ والدة شيرين عبدالوهاب: كلامك زي السكاكين قطعت لحم بنتك

وجه الإعلامي محمد الغيطي، رسالة شديدة اللهجة لوالدة شيرين عبدالوهاب بعد تصريحاتها الأخيرة عن ابنتها.

وقال محمد الغيطي، خلال تقديم برنامجه 'تقدر' المذاع على قناة 'الشمس': 'أنا متعاطف مع شيرين عبدالوهاب أنا انتقدتها قبل كده.. وعجبني تصريح لنصر محروس قال فيه أنا مستعد أرجع أشتغل معاها وأبقى خدامها'.

وأضاف: 'شهوة الانفراد أحيانا بتخلي بعض الإعلاميين يسقطون سقطات إعلامية وأنا بقول ده وأنا دارس إعلام وبدرس إعلام.. أنا استأت جداجدا من كلام أم شيرين وشقيقها عنها.. كلام أمها عنها هزني زلزلني مينفعش أنت إزاي قلبك ولاعقلك طاوعك تطلعي تفضحي بنتك كده؟.. لا دينك ولا ربك ولا تربيتك يقولوا عليكي ينفع الكلام ده.. مينفعش الغسيل القذر ده يطلع على الشاشة وتقولي كده عن فلذة كبدك اللي هي شيلاكي عمليا'.

وتابع 'الغيطي': 'ممكن تكون أخطأت في لحظة أنت أم تحتويها لكن متطلعيش تقولي كذا كذا كذا.. كلام صعب زي السكاكين بيقطع في لحم بنتك.. أنت قطعتي لحم بنتك.. ودي مش أمومة ولا رعاية ولا وعي'.