عمرو أديب عن تقنين السناتر: وزير التعليم اتبع المثل الأمريكاني لو مش قادر عليهم اشتغل معاهم

انتقد الإعلامي عمرو أديب، قرار وزير التربية والتعليم الدكتور رضا حجازي الأخيرة، بشأن تقنين 'السناتر'.

وقال الإعلامي عمرو أديب، خلال تقديم برنامجه 'الحكاية' المذاع على قناة 'إم بي سي مصر': ' السيد وزير التربية والتعليم رمى الفوطة البيضاء وأعلن استسلام الحكومة المصرية للدروس الخصوصية واستخدم المثل الأمريكاني لو مكنتش قادر عليهم اشتغل معاهم.. وطلع القرار اللي لاحظت إنه المصريين قالوا ليه كده وبعدين سكتوا ومكنش فيه مقاومة للموضوع إنه هنقنن السناتر'.

وأضاف عمرو أديب: 'اللي هو يا جماعة الحكومة دي من سنة كان فيها وزير بيقفل السناتر وكانت الشرطة بتخش تقفل السنتر دلوقتي السنتر بقى زميل وجميل ولذيذ.. ويقول السيد وزير التربية والتعليم أن هذا لمصلحة أولياء الأمور واحنا لما نقنن الموضوع الأسعار في السناتر هتبقى كويسة'.

وتساءل 'أديب': 'احنا لو قررنا نعمل الكلام ده في باقي الوزارت يعني مثلا وزارات الداخلية والصحة والصناعة.. وطلع أغرب كلام في الدنيا قال دول بيعملوا ٤٧ مليار عاوزين نقننهم بقى ناخد منهم شوية ضرائب بس يولع التعليم'.