عمرو أديب: أعرف أسامي كتير مسئولة عن المصيبة اللي فيها شيرين عبدالوهاب

علق الإعلامي عمرو أديب، على المهاجمين له نتيجة تخصيص جزء من برنامجه 'الحكاية' عن أزمة الفنانة شيرين عبدالوهاب.

وقال عمرو أديب، خلال تقديم برنامجه، أمس الجمعة، وبعد مداخلة طويلة للفنان حسام حبيب للبرنامج؛ من أجل الرد على الاتهامات التي وجهت له من قبل أسرة الفنانة شيرين عبدالوهاب: 'بكلمك عن شيرين بالمناسبة عشان برده الناس اللي معندهش وعي بالإعلام والإعلام بيشتغل إزاي هي لما كانت الـ بي بي سي الخبر الأول بتاعها كان محاكمة جوني ديب مع مراته هل الـ بي بي سي محطة واقعة يعني'.

وأضاف عمرو أديب: ' موضوع بريتين سبيرز مع أبوها هل ده كان إعلام فاسد.. الأسماء تصنع الأخبار وشيرين مش أي اسم.. واللي حضراتكم شايفينه حدوتة وحكاية كلنا نستفيد منها ونتعلم منها أشياء كثيرة، وندعي يارب تخرج من اللي هي فيه؛ لأن اللي هي فيه حلقة جهنمية فيها ناس كتير'.

وتابع عمرو أديب: ' وأنا بقول لحضراتكم إني أنا شخصيا أعرف كتير من الأسامي اللي مسئولة عن المصيبة اللي فيها شيرين'.