هادية غالب: "الناس كانت بتابعني عشان تتريق عليا"

كشفت هادية غالب، البلوجر ومصممة الأزياء، عن بدايتها وكيف أصبحت أشهر إنفلونسر في الشرق الأوسط.

وقالت هادية غالب، خلال استضافتها ببرنامج 'حديث القاهرة' تقديم الإعلامي خيري رمضان المذاع على قناة القاهرة والناس، إنها بدأت العمل وعمرها ١٩ عاما، موضحة أنها كانت تخرج طاقتها في الملابس التي ترتديها والتي وصفها الناس بالغريبة.

وأضافت هادية غالب: 'وأنا عندي ١٩ سنة كنت بلبس لبس غريب أووي كنت بطلع مودي وشخصيتي وطاقتي في اللبس من كتر ما اللبس كان غريب الناس كانت بتتريق عليا فابتدوا يعملولي فولو عشان يعملوا شير للمنشورات بتاعتي بتريقة فجالي متابعين كتير، لما بقى عندي متابعين ابتدى يجيلي برندات عايزني أحطلهم صور واروح الإيفينتات بتاعتهم وقتها كان اسمنا بلوجر مش إنفلونسر'.

وتابعت: 'عملت سيرش ليه البرندات بتعمل كده؟ فهمت إنهم عاوزين يستخدموني كمادة إعلانية، وقفتهم وقولتلهم اني ده سعري قعدت سنة بقنعهم فبقوا يقولولي خلاص هندي الهدية لزميلتك كانوا بيتعاملوا بالهدايا مش بالفلوس، وبعد فترة عملت عقد حصري مع زمايلي وهديلكم فلوس حتى لو مجبتلكمش شغل فكانوا يبعتولي هدية اقولهم ادفعوا فيروحوا لزمايلي فزمايلي يقولوا لهم روحوا لهادية ودراستي للاقتصاد نفعتني في هذا الموضوع'.