تامر أمين: شربت حشيش وبانجو في "ليلة سودا" وروحت بيتي بمساعدة أصدقاء

اعترف الإعلامي تامر أمين، أنه جرب أشياء يعاقب عليها القانون، في أثناء فترة المراهقة.

وقال تامر أمين، خلال حواره مع الإعلامية أسما إبراهيم في برنامج 'حبر سري' المذاع على قناة 'القاهرة والناس': ' جربت الحشيش والبانجو في نفس الليلة السودا .. في زمن المراهقة اندفاع الشباب بيخليك عايز تجرب كل حاجة الصح والغلط والقاعدة اللي بتقول كل ممنوع مرغوب'.

وأضاف تامر أمين: ' وأنت في سن المراهقة بيكون قلبك مفتوح عالدنيا كنا قاعدين قاعدة بعض أصدقاء السوء مفيش أحلى منهم يعني قالولي خد يابني أنت كبرت ولازم تجرب وفعلا جربت ومعجبنيش وقولتلهم ساعتها إيه الحكمة إنك تبقى قاعد متيس ومسطول ومش واعي وكانت أول وآخر مرة'.

وتابع: 'روحت البيت ساعتها بمساعدة أصدقاء'.