عمرو أديب: 71% صوتوا في الانتخابات الإسرائيلية ده معناه إني كل الناس راحت

علق الإعلامي عمرو أديب، على الانتخابات التشريعية في إسرائيل، مشيرا إلى أن استطلاعات الرأي تشير إلى فوز رئيس وزراء إسرائيل السابق بنيامين نتنياهو.

وقال عمرو أديب، خلال تقديم برنامج 'الحكاية' المذاع على قناة 'إم بي سي مصر': ' كان في انتخابات في إسرائيل موضوع ميهمكش نتنياهو راجع تاني جايز يكون الموضوع ميهمكش.. أنا واقف عند حاجة الانتخابات دي حضر فيها ٧١٪ من الناس اللي المفروض تصوت'.

وأضاف عمرو أديب: 'كلنا مختلفين مع إسرائيل إنما الذهاب للانتخابات والتعبير عن الرأي مسألة هامة جدا يا جماعة جابوا إيه مش ده المهم رجعوا نتنياهو تاني هما أحرار ..٧١٪ يعني الباقي دول إيه ده معناه إني اللي مراحش حد كبير في السن حد مسافر حد مش قادر ينزل فده معناه لما يكون 71٪ إني كل الناس راحت في إسرائيل'.

وتابع عمرو أديب: ' أنت عندك بقى الناس بتورح قد إيه في الانتخابات وبعدين يجوا يشكوا بعد كده وأنا قولت وأنا مقولتش.. 71٪ هو في حاجة كده جابوا مين جابوا حاجة هطربق على دماغنا كلنا في السنين الجاية.. إنما الذهاب إلى الصناديق الانتخابية مسألة مهمة جدا'.

وأكمل: 'نفسي يجي اليوم ونشوف الناس بتعبر عن نفسها ابتداء من انتخابات اتحاد الطلبة حتى أعلى انتخابات هي دي الديمقراطية'.