تحدث الدكتور علي المصيلحى، وزير التموين والتجارة الداخلية، عن أزمة ارتفاع سعر الأرز في الأسواق المصرية، خلال الفترة الماضية.
وقال الدكتور علي المصيلحي، في حواره مع الإعلامي عمرو أديب، في برنامج 'الحكاية'، المذاع على قناة 'إم بي سي مصر': 'مصر تستهلك 3 ملايين طن أزر في العام الواحد، العام المضي حصلت مهزلة في موضوع الأرز'.
وأضاف الدكتور وزير التموين والتجارة الداخلية، أن مصر استوردت 55 ألف طن أرز من الهند، لافتا إلى أن الأرز من السلع التي غير منتظمة تماما، أي حد معاه فلوس يضارب في الأرز، ويشتري الأرز بسعر، و يخزنة لحد لما الأسعار تعلي، وفي ناس كسبت في طن الأرز أكثر من 7 آلاف جنيه'.
وتابع وزير التموين: 'الجودة محددة لما تكلمنا في الأسعار دي كانت الـ ١٠ ٪ كسر وهو أرز ممتاز وده اللي حددناه بـ١٢ و١٥، وعشان نعمل انفراجة قولنا للسلاسل والهيبرات المعروفة وكل موردينهم أسماء معروفة اجتمعنا يوم الخميس وقولتلهم ادوني تكلفتكم، طلعوا نمرة واحد إني الـ ٣٪ كسر مينفعش يتباع بـ ١٥ جنيه ووصلنا لـ ١٦ جنيه ونصف، والـ ١٠٪ كسر هيتباع بـ ١٤ وربع منهم وأنا اللي هديهم الشعير.. يعني أعظم نوع أرز في مصر هيتباع بـ ١٦ جنيه ونصف خلال ٣ أيام'.
تابعوا آخر أهل مصر على Google News
