"هنعملك تريند".. محامي يفجر مفاجأت عن قصة خروج شيرين عبد الوهاب من المستشفي (فيديو)

فجر مصطفى محمود قطب، محامي بالنقض، مفاجأة بشأن قصة خروج الفنانة شيرين عبدالوهاب من المستشفى.

وقال المحامي مصطفى قطب، خلال مداخلة هاتفية لـ برنامج 'آخر النهار' تقديم الإعلامي تامر أمين المذاع على قناة 'النهار': ' كلمني حسام الشيخ صديق الفنان حسام حبيب طلب مني إننا نخرج الفنانة شيرين عبدالوهاب لأني الأستاذ ياسر قنطوش كان عندها العصر نفس اليوم وتعنتوا وقالوا إنها لسه محتاجة تقعد فترة في المستشفى'.

وأضاف مصطفى قطب: 'خدت أستاذ حسام الشيخ وروحنا المستشفى وقابلت هناك دكتورين وأشخاص من الأمن والإدارة وبعد مفاوضات معاهم قالولنا معندناش مشكلة خالص احنا بنتصل بالأستاذ ياسر ومبيردش علينا قولتلهم لو حجتكم الأستاذ ياسر هو ١٠ دقائق ويكون هنا'.

وتابع: ' خليت حسام الشيخ كلم ياسر قنطوش في التليفون وطبعا مكانش مصدقنا وقال إنه هو كان هناك العصر.. طب إذا كان كده أنا في أكتوبر هتأخر عليكم شوية استنيناه من ١٠ ونصف مساء وجالنا الساعة ٢ونصف صباحا وقالنا طبعا وهو جاي في السكة إني في حاجة غريبة حصلت إني الفنانة أول مرة تتصل بيه وقالتله يا أستاذ ياسر بعد إذنك أنا تعبانة انهارده خليها بكرة متجيش.. فقالنا يا جماعة أنا جي ومصمم إننا ناخدها لأن في حاجة غريبة بتحصل'.

وأكمل: 'ياسر قنطوش جه الساعة ٢ونصف بعد منتصف الليل وتواصلنا مع المستشفى لما جينا ندخل بسبب الشد والجذب اللي أنا عملته معاهم مرديوش يدخلوني معاه مكملش ١٠ دقائق داخل المستشفى وخرج قالنا إني المستشفى معندهاش مشكلة بالنسبة للخروج بس الفنانة قالت لي أنا تعبانة انهارده والوقت متأخر فهخرج بكرة معاك فهنيجي بكرة ناخدها الساعة واحدة ونصف'.

وأردف: ' طبعا أنا الكلام معجبنيش قولتله يعني احنا مستنينك ٦ ساعات في الشارع ومصدقنا الفنانة خارجة هي اللي هتقولك بكرة الكلام ده مش مظبوط بعد إذنك تعالى نعمل محاولة في الوقت ده كلمة حسام حبيب في التليفون وطلب منه إنه يعمل محاولة تاني ويدخل معايا دخلنا تاني معملش أي محاولات وقالي كده مده الدكتور قالي الساعة واحدو ونصف'.

واختتم: ' بكلمهم بقى من بعد الموقف ده وتاني يوم عشان نتوجه للمستشفى وأكمل دوري وشغلي فروحت متوجه للمستشفى فعرفت إنهم خدوها الساعة ١٠ ونصف قبل ما أروح.. أكثر حاجة ضايقتني إني مفيش تقدير أدبي واتفقت على أتعاب وأول حاجة لما كلموني قالولي احنا هنعملك تريند انهارده.. والكافيه كله كاميرات والمستشفى فيها كاميرات تثبت وجودي'.