وجهت الإعلامية "ياسمين عز"، اليوم السبت، رسالة للمنتقدين لرأيها بخصوص أزمة شيرين وحسام حبيب، قائلة: "أنا مش جاية أشمت فيكم ولا جاية أفرح فيكم أنا جاية أقولكم واحد ليا وصفر ليكم".
ياسمين عز: شيرين أنا فخورة بيكي أنا بسقفلك أنتي ست أصيلة
وتابعت ياسمين عز، عبر برنامجها "كلام الناس"، الذي يعرض على قناة "إم بي سي مصر"،: "شيرين أنا فخورة بيكي أنا مبسوطة بيكي أنا مبهورة بيكي وقلبي كده مفرفح من الفرحة أنا بسقفلك انتي ست أصيلة".
ياسمين عز: قولنا الست ملهاش إلا بيت جوزها قولتوا اطلعوا من البلد
وأكدت "عز" قائلة:"قولنا الست ملهاش إلا بيت جوزها قولتوا اطلعوا من البلد.. قولنا مفيش كرامة بعد الجواز الكرامة في الدرج قولتوا لا الكرامة أهم حاجة، مفيش كرامة بين الزوج وزوجته واهي قدامكم نجمة الدنيا طبقت الكلام بالمللي، قولنا قوليله يا سي فلان ويا سي علان اهي مجبتش حاجة من عندي قالتلك يا سي حسام
ياسمين عز: قولنا صوتك يبقى واطي ومشاكلك جوا بيتك ومتنتقديش جوزك قدام حد
وأكدت الإعلامية ياسمين عز، قائلة: "قولنا صوتك يبقى واطي ومشاكلك جوا بيتك ومتنتقديش جوزك قدام حد واهي طبقت النصيحة بالمللي واعتذرتله قدام الوطن العربي كله مش قدام صاحبتها وجارتها".
ياسمين عز: زي ما قولتلكم بعد الجواز الكرامة بتكون في الدرج مفيش كرامة بين الزوجين
واختتمت "عز" حديثها: قائلة: "زي ما قولتلكم بعد الجواز الكرامة بتكون في الدرج مفيش كرامة بين الزوجين نو كرامة بين الراجل ومراته وده كلام الدين مش كلامي
روحي يا شيرين الله يرضى عليكي دنيا وآخرة".
تابعوا آخر أهل مصر على Google News
