علق الإعلامي عمرو أديب، على قرار المصلحة العامة للضرائب بتحديد يوم 15 ديسمبر الجاري، كمهلة نهائية للتسجيل في نظام الفاتورة الإلكترونية.
عمرو أديب: في ناس الضرائب متعرفش عنها حاجة
وقال عمرو أديب، خلال تقديم برنامج 'الحكاية' المذاع على قناة 'إم بي سي مصر': ' كلنا عارفين إني جزء كبير من الاقتصاد اللي تحت الترابيزة أندر جراوند إيكونومي بيقدر بمليارات زي السوق السوداء والدروس الخصوصية وغسيل الأموال في ناس كتير عايشة في ده وهي برة مظلة الضرائب'.
وأضاف عمرو أديب: ' اللي أنا بكلمكم فيه ده اللي هو الناس اللي كلنا تحت المظلة .. في ناس الضرائب متعرفش عنها حاجة خالص وهما ميعرفوش الضرائب خالص وملقوش حساب في البنوك خالص بيتعاملوا بشولة مليارديرات ومليونيرات محدش يعرف عنهم حاجة خالص.. كمية الناس اللي بره منظومة الضرائب أكثر كثيرا من الناس اللي بتدفع ضرائب وهذا عكس بلاد كثيرة'.
معارضة المحامين لـ الفاتورة الإلكترونية
وتابع الإعلامي عمرو أديب، أنه من الوارد جدا في أي دولة أن الحكومة تتخذ إجراءات تلقى معارضة من بعض الفئات في المجتمع، وذلك في معرض تعليقه على معارضة المحامين للفاتورة الإلكترونية.
وأكمل: 'مش عاوز حد يُصاب بالفزع من احتجاجات المحامين.. مش عاوز يكون عندنا حساسية.. عادي يعني يكون فيه ناس معترضة على القرار'.
وذكر أن الغرب يشهد إصرارا على وجود الفاتورة لأنه يتم تقديمها للضرائب وتُخصم منه في حينه، موضحا أن المواطن في مصر يتم تخييره بين الحصول على الفاتورة أو الحصول على تخفيض.
وأضاف أن تلك المنظومة لم تكتمل حتى الآن، لكنه خاطب الحكومة: 'هل ده وقته.. فيه أزمة عالمية.. أنا فاهم أهمية المنظومة.. لكن فيه أعباء سياسية واقتصادية.. أنا حاسس إنك بتحاصرني وعاوز فلوس'.
وكانت تعليمات مصلحة الضرائب، المتعلقة بإلزام أصحاب المهن الحرة ومن بينهم 'المحامون' بالتسجيل فى منظومة الفاتورة الإلكترونية، فى موعد أقصاه ديسمبر الجاري، قد أثارت استياء المحامين.
وأعلن عدد من أعضاء مجالس النقابات الفرعية للمحامين رفضهم لتطبيق الفاتورة الإلكترونية، معتبرين أنه قرار مخالف للدستور.
تابعوا آخر أهل مصر على Google News
