عم الطفلة "جومانا" إحدى ضحايا حادث عزبة النخل: كانت رايحة الدرس ورجعت جثـة

كشف عدد من أهالي ضحايا حادث عزبة النخل تفاصيل وكواليس دهس أتوبيس عدد من المواطنين، مساء أمس.

حادث عزبة النخل

وخلال تصريحات لجريدة 'أهل مصر' قال عم الطفلة جومانا: 'جومانا بنتي أخويا كانت راجعة من الدرس ومعاها طفل تاني في سنها، وعم جمال اللي كان بيجيبهم من الدرس، والأتوبيس كان جاي بسرعة، والكوبري ده خطر حد يمشي عليه بسرعة أصلا لأن ده مكان الناس بتمشي عليه كتير'.

وتابع: 'الخبر وصلنا من الناس في الشارع، وشوفنا الفيديوهات، ومكناش مصدقين'.

وواصل: 'سائق الأتوبيس كان عايز يهرب بعد الكارثة اللي عملها، لكن الأهالي مسكوه وسلموه للشرطة'.

وأكمل: 'في 4 ماتوا منهم 3 من عندنا وواحدغريب، وطبعا الإسعاف وصلت للمكان ونقلوا المصابين، لمستشفى المطرية وعددهم قرابة 25 شخص'.

ضحايا حادث أتوبيس عزبة النخل

وفي وقت سابق صرحت جهات التحقيق بالمرج، بدفن ضحايا حادث أتوبيس عزبة النخل، الذين لقوا مصرهم على يد سائق أتوبيس بسبب السرعة الزائدة من قبل السائق، بعد أن اختلت عجلة القيادة منه بسبب عدم وجود فرامل، وكلفت النيابة بسرعة إجراء التحريات حول الواقعة.

البداية كانت بتلقى غرفة عمليات شرطة النجدة، بلاغا من الخدمات الأمنية بشارع الترعة بمنطقة عزبة النخل، مفاده وجود مصادمة، وعلى الفور انتقل رجال الأمن لمكان الواقعة، وبالفحص تبين أنه أثناء نزول مينى باص من أعلى الكوبرى الجديد بمنطقة عزبة النخل صدمهم مينى باص أشخاص أثناء سيرهم بشارع ترعة التوفيقية بعد انقطاع الفرامل، وقامت سيارات الإسعاف بنقلهم إلى المستشفى وتم ضبط مالك الأتوبيس وتحرر محضر بالواقعة.