3 من أسرة واحدة.. ننشر صور ضحايا حادث عزبة النخل

كشف عم إحدى أهالي ضحايا حادث عزبة النخل تفاصيل وكواليس دهس أتوبيس لثلاث أفراد من أسرته، قائلا: 'في 4 ماتوا منهم 3 من عندنا وواحدغريب، وطبعا الإسعاف وصلت للمكان ونقلوا المصابين، لمستشفى المطرية وعددهم قرابة 25 شخص'.

حادث عزبة النخل

وخلال تصريحات لجريدة 'أهل مصر' قال عم الطفلة جومانا: 'جومانا بنتي أخويا كانت راجعة من الدرس ومعاها طفل تاني في سنها، وعم جمال اللي كان بيجيبهم من الدرس، والأتوبيس كان جاي بسرعة، والكوبري ده خطر حد يمشي عليه بسرعة أصلا لأن ده مكان الناس بتمشي عليه كتير'.

وتابع: 'الخبر وصلنا من الناس في الشارع، وشوفنا الفيديوهات، ومكناش مصدقين، وسائق الأتوبيس كان عايز يهرب بعد الكارثة اللي عملها، لكن الأهالي مسكوه وسلموه للشرطة'.

ضحايا حادث عزبة النخل

ضحايا حادث أتوبيس عزبة النخل

وفي وقت سابق صرحت جهات التحقيق بالمرج، بدفن ضحايا حادث أتوبيس عزبة النخل، الذين لقوا مصرهم على يد سائق أتوبيس بسبب السرعة الزائدة من قبل السائق، بعد أن اختلت عجلة القيادة منه بسبب عدم وجود فرامل، وكلفت النيابة بسرعة إجراء التحريات حول الواقعة.