انفعل الإعلامي أحمد موسى بسبب الغلاء قائلا: «مفيش واحد من الـ100 مليون مصري مش بيتكلم عن أسعار السلع.. يا جماعة مفيش سلعة سعرها ثابت وكل يوم السلعة سعرها بيزيد.. الواحد يشتري الحاجة من محل وسعرها في المحل اللي جنبه مختلف».
أسعار السلع
وخلال تقديم برنامجه 'على مسئوليتي' المذاع عبر فضائية 'صدى البلد'، تابع موسى: 'ده مسئولية مين؟.. امتى نضرب بيد من حديد؟.. مفيش دولة عندها الحاجة بتتسعر 10 مرات.. الناس بتحقق ثروات على حساب المواطن، مفيش رقابة ولا إجراءات'.
زيادة الأسعار
وأكمل موسى: 'الناس اللي بترفع الأسعار بتزود على المواطن لأنهم عارفين أن مفيش رقابة.. مش هتلاقوا سلعة واحدة سعرها ثابت وموحد'.
وأردف موسى: 'لابد من التحرك الفوري، كفاية تحذيرات.. لينا شهور بنحذر ومفيش نتيجة، زي ما خدنا إجراءات للأرز نشوف باقي السلع'.
وفي وقت سابق كشف المهندس عبدالمنعم خليل رئيس قطاع التجارة الداخلية بـ وزارة التموين، حقيقة الأسعار المقررة من وزارة التموين لكل أنواع الأرز المصري.
سلسلة إجراءات لتوفير الأرز
وخلال مداخلة هاتفية بغرفة الأخبار المذاع على قناة 'دي إم سي'، اليوم، أكد خليل أن هناك سلسلة من الإجراءات تتخذها الوزارة لتوفير الأرز في جميع أنحاء الجمهورية ليكون متداولا لجميع المواطنين بالسعر العادل.
وأوضح أنه خلال اجتماع وزير التموين والتجارة الداخلية 'علي المصلحي' مع المديريات أصدر تشديدات لتوفير الأرز للمواطن المصري بالسعر العادل على مستوى الـ27 محافظة في الجمهورية، فالوزير أمر بحرية نقل الأرز الأبيض بجميع المحافظات دون تصاريح، مع الأخذ في الاعتبار كافة القرارات المنظمة للأسعار طبقا للقرارات في هذا الشأن.
إجراءات قانونية ضد الممتنع عن التوريد
وأشار خليل إلى أنه يتم توجيه إنذارات لمن لا يورد طنا عن كل فدان، طبقا للكشوف الموجودة في مديريات التموين، وحال عدم التوريد بعد الإنذار يتم اتخاذ الإجراءات القانونية ضده، لكون الأرز من المحاصيل الاستراتيجية الهامة التي يجب الحرص على توافرها بالأسواق.
تابعوا آخر أهل مصر على Google News
