قالت نهاد أبوالقمصان عضو المجلس القومي لحقوق الإنسان، إن صندوق دعم الأسرة خطوة مهمة، متابعة: 'صندوق دعم الأسرة سيحسم أكثر من 90% من قضايا الأسرة في المحاكم'.
وخلال مداخلة هاتفية ببرنامج 'صالة التحرير'، تقديم الإعلامية 'عزة مصطفى'، المُذاع عبر فضائية 'صدى البلد'، أكملت أبوالقمصان: 'عند عدم الوصول إلى اتفاق ودي بين الأزواج ووصل الأمر إلى المحاكم يكون الأولاد في رعاية الدولة'، لافتة إلى أن الدولة ستتدخل لحماية الأبناء والأطفال'.
صندوق دعم الأسرة
صندوق دعم الأسرة المصرية
واختتمت أبوالقمصان: 'تطبيق صندوق دعم الأسرة المصرية سيكون نقلة كبيرة في مصر فيما يتعلق بمنظورها للقواعد القانونية، مشيدة بتصريحات الرئيس السيسي التي تؤكد حماية أبناء مصر من المشاكل الأسرية'.
وصباح اليوم، أكد الرئيس عبدالفتاح السيسي على أهمية طرح قانون الأحوال الشخصية للحوار المجتمعي خلال الفترة المقبلة.
وقال الرئيس السيسي:'ليه بنعمل صندوق دعم الأسرة في القانون، عشان أي أسرة، والاختلاف وارد، وهما زعلانين من بعض مش عايزين يصرفوا، واللي بيضيع الأبناء، هنعمل صندوق الأسرة اللي هيتكفل بالمصاريف في هذه الفترة... يعني قولنا إيه، عشان في الإعلام تمسكوا الموضوع وتتكلموا، الدين الحقيقي له نظم، والدولة اللي متعملش نظم تحقق مقاصد الدين، يبقى عندها خلل، تقولي إكرام اليتيم، لا لا، نعمل قواعد ونظم، عشان الناس تفهم، ومش فقط نخاطب ضمائر الناس، الدولة مسئولة تعمل مقاصد'.وأضاف: 'حضرتك جاي تتجوز، حط مبلغ في الصندوق، اللي يقدر على الفرح، يقدر يدفع المبلغ، مش كتير، وأنا كدولة اتفقت مع رئيس الوزراء، لو مليار الحكومة هتحط مليار واتنين، هنتكفل بالإجراء اللي يقدر يأمن ولادنا في كل شيئ، احنا بنتكلم على نسبة طلاق أد إيه؟'.
تابعوا آخر أهل مصر على Google News
