رانيا يوسف: إحنا قدوة للناس.. ولازم نهتم بجسمنا وملابسنا

حلت الفنانة رانيا يوسف، ضيفة على الإعلامية ياسمين عز في برنامج 'كلام الناس'، والمذاع عبر قناة 'إم بي سي مصر”.

وعلقت الفنانة رانيا يوسف، على تصدرها التريند دائما، متسائلة: 'ما أعرفش الناس بتركز معايا ليه؟'.

الفنانين قدوة للناس

وتابعت يوسف: 'شيء كويس أن الناس طول الوقت حريصة أنها تشوفني وتتابع أخباري سواء الشخصية أو الفنية، ووباخد بالي إن الناس مش بتركز في شغلي؛ قدر ما بتركز أنا لابسه إيه، مع إن فيه ناس بتلبس أكثر مني'.

وواصلت حديثها: 'إحنا كفنانيين، لازم نكون مهتمين بلبسنا وجسمنا وشكلنا؛ لأننا بنكون قدوة للناس'.

وفي بداية الحلقة قدمت الإعلامية ياسمين عز عددا من النصائح للزوجات بشأن التعامل مع أزواجهن بمناسبة رأس السنة 2023، قائلة إنها ستقدم موضوعات مختلفة في العام الجديد ونصائح أكثر، مردفة: 'سنة كاملة مرت على برنامجي وياريت أكون عند حسن ظنكم وهقدم مواضيع جديدة في السنة الجديدة، وبقول للزوجات متبقيش زنانة ولا فتانة ومتخليش سيرتكم أنتي وجوزك لبانة والحاجة تطلبيها مرة واحدة فقط من جوزك، واللي بينك وبين جوزك ميطلعش برا حتى لو لـ مامتك، ولكن اللي بينك وبين العالم قوليه لـ جوزك لأنه الفرعون الكبير'.

وخلال حلقة برنامجها 'كلام الناس' المُذاع عبر شاشة 'إم بي سي مصر' واصلت عز: 'إياكي ينادي عليكي ومترديش أو تكونوا متخانقين وتقومي سايباه وداخلة الأوضة ورازعة الباب في وشه لأنه غير مقبول، وبدل ما تلعبي في هدوم جوزك وتفتشيها حطي له بونبوناية أو ورقة فيها كلام حلو، تخيلي تروحي لـ جوزك وتحطيله في جيبك ورقة فيها طلبات ويلاقي كتباله مش محتاجين أي حاجة غير حسك في الدنيا مش متخيلة كم الأدرينالين اللي هيشع من وشه، مش بعيد يجبلك كل السوبر ماكت وهو جاي من البيت'.

وأكملت عز: بلاش تسأليه وهو نازل أنت رايح فين، الجملة دي لغوها، هيروح فين يعني؟ حسسيه أنك واثقة فيه وعنده مساحة شخصية ومش متراقب، وألعبي دور الأم في حياته وأدعي له دعوة حلوة، ربنا يخليك ويفتحها في وشك ويكفيك شر الناس المؤذية وربنا ياخد من الناس ويديك، ولو حصلت له حاجة حلوة عقله لا إراديا هيترجمها أنه بفضل دعوتك وهيتبارك بيكي، ولو اتخانقتكم سيبيه يزعق ومترديش والتزمي الصمت حطي نفسك على وضع الطيران لأن قلب الراجل مفيش أطيب منه.