قال المهندس وائل الدربي صاحب مزرعة دواجن: 'إحنا اتخرب بيتنا وأسعار الأعلاف زادت عن الفترة قبل ما رئيس الوزراء يروح الميناء، والمستوردين السبب'.
الإفراج عن الأعلاف
وخلال مداخلة هاتفية مع 'عمرو أديب' ببرنامج 'الحكاية' علق الإعلامي على حديث صاحب المزرعة قائلا: 'الدولة أفرجت عن دولار وجابت دولار من تحت الأرض وأفرجت عن أعلاف.. ليه الأسعار سعرها زادت؟'.
وأجاب صاحب المزرعة قائلا: 'الناس قالوا إنهم أفرجوا عن الأعلاف.. إحنا ماشوفناش حاجة من الكلام ده.. المستوردين بيقولولنا مفيش إفراجات الدولة بتضحك عليكم'، متابعا: 'لو العلف رخص قدامنا 40 يوم عقبال ما أنتج.. إحنا داخلين على أيام سودة'.
وتابع: صاحب مزرعة الدواجن: 'وزارة الزراعة والتموين سايبين المستوردين الحرامية الكبار ورايحة لمصنع العلف.. محدش بقا ياخد علف'.
واختتم صاحب مزرعة الدواجن: 'معناه إيه لما رئيس الوزراء يقعد مع المنتجين مرة واتنين وتلاتة ويطلعوا يغلوا الأسعار 3000 جنيه؟.. إحنا بيوتنا اتخربت'.
تابعوا آخر أهل مصر على Google News
