قال الإعلامي عمرو أديب، إن سعر الجنيه انخفض أمام الدولار 3 مرات، متسائلًا: 'ما هو سبب ارتفاع أسعار الدولار في السوق السوداء بالتوازي مع السوق الرسمية'.
وتساءل «أديب»، خلال تقديمه لبرنامج «الحكاية»، المذاع عبر فضائية «MBC مصر»، قائلًا: «لماذا تأبى السوق السوداء النزول، وأسعارها ترتفع مع السوق الرسمية؟.. هو في حاجة كده! هو احنا هنجري ورا بعض؟، دي أشياء غير منطقية».
وأضاف أن السعر الرسمي بدء في الاقتراب من أسعار السوق السوداء، إلا أن الخيرة ترتفع أيضًا، متابعًا: «مين قاعد هنا أنا عارف مين قاعد هنا ومش هقول بكام، في ناس بتلعب في السوق وفي حد اشترى الدولار غالي ورافض أنه ينزل في السوق السوداء».
وأشار إلى أنه بيوت الخبرة العالمية عندما تحدثت عن السعر العادل للدولار في السابق، حددت أنه بمقدار 22.5 و23.5 جنيه، واليوم تم تغيير الرقم.
عمرو أديب يطالب بتحجيم السوق السوداء
وأكمل: «أناشد التجار والمستوردين استنوا لما الدولار يستقر دا انتا صارف البضاعة اللي عندك صرفتها بـ24 ملحقتش تاخد بالسعر الجديد 27.5، هو احنا قاعدين في مزاد».
وتابع: «يا جماعة متخلوش حد يلعب في السوق لو فضلت السوق السوداء بهذا الشكل، هيتاخد الدولار ويتباع بالغالي لحد ما انتا مش هتلحق عليه، لازم يكون في قرارات من المركزي بتحجيم السوق السوداء لأنها بتمص دم البلد».
وأردف: «من الأول كل التجار كانوا بيبعوا السلع دهب عربيات جبنة على 30 دولار والنهاردة لية الأسعار بتزيد تاني، الأزمة الأقتصادية عندنا مضروبة في 2 أزمة خارجية وداخلية».
واستطرد: «رسميًا سعر الدولار وصل 27.60 جنيه، 27.60 أنا النهاردة خايف على البلد، خايف على الراجل وزير المالية لأن بكرة هيشتري قمح وزيت، الفرق في العملة هيتجاب منين؟، واحنا أغلب السلع بنشتريها من برة».
تابعوا آخر أهل مصر على Google News
