مي حلمي ترفض مساعدة متابعة: «فكرتيني بأيام سودة.. بتشحتي لابنك ليه ماتخلفوش وتوجعوا دماغنا»

انتشر عبر منصات التواصل الاجتماعي المختلفة، فيديو لـ مي حلمي مذيعة الراديو ومذيعة قناة 'الحدث اليوم'، تتحدث فيه عن طلب سيدة مساعدة منها لابنها طالب في الجامعة، لكن مي رفضت تقديم هذه المساعدة السيدة.

وكانت مي حلمي هي من نشرت الفيديو عبر 'ستوري'، في حسابها بموقع تبادل الصور والفيديوهات القصيرة 'انستجرام'، مهاجمة سيدة طلبت منها المساعدة لنجلها بسبب ضيق حال الأسرة'، لترد عليها قائلة: 'انتي لازم تعرفيه يعني ايه يبقى راجل متخلفوش وتوجعوا دماغنا.. ابنك في الجامعة وشحط ما ينزل يشتغل، عشان لما واحدة تتجوزه متعانيش زي ما ستات كتير بتعاني، أنه قاعد في البيت وهي بتشتغل'.

وبررت مي حلمي حديثها بهذا الشكل، بسبب ما كانت تعانيه في زواجها السابق قبل الطلاق، قائلة: 'بدل ما تقولي لابنك انزل اشتغل لية ليه ليه.. فكرتيني بأيام سودة ليه أنا أصرف على واحد ما هو يصرف على نفسه ويشتغل'.

مي حلمي

وطلبت السيدة من مي حلمي في كومنت عبر حسابها بموقع 'انستجرام'، قائلة: أنا قد مامتك نفسي في طلب ابني في الجامعى ونفسي يلبس زي أصحابه حلو، ممكن تساعديني ولو بطقم'، لترد عليها مذيعة الراديو، قائلة: 'أحب أقولك أن دي رفاهية لية انتي عايزة تشحتي لابنك عشان يلبس كويس زي أصحابه، الرفاهية دي عشان نعملها بنتعب جدا سنين، طب ما أنا كنت بشتغل وأنا في الجامعة، لية عايزة تشتحتي لابنك ما تخليه يشتغل ويلبس بفلوسه كويس زي اصحابه'.

وذكرت مي حلمي متابعيه بالصعوبات التي مرت بها في حياتها قبل الشهرة، قائلة: 'اللي أنا هقوله مش جحود ولكن كلنا شقيانين بشكل أو بطريقة أخرى، كلنا اتمرمطنا عشان نبقى كده، أنا عندي حاجات انتي أكيد متعرفهاش، وممكن أكون قعدت سنين عمري عشان أعمل وأوصل للي انا فيه دلوقتي'.

مي حلمي ترد على سيدة طلبت منها مساعدة لابنها

وأضافت: 'فيه ناس في الجامعة متشحططة ومتغربة وبتدرس برضو، وشغالة في نفس الوقت، انتي ابنك أحسن من الناس المتغربة دي في اية!، أنا كنت شغالة وأنا في الجامعة، مع إن أهلي مش محتاجين التعاون دا، بس ليه أنا أخلي أمي تطلب طلب زي ده، ابنك مش أحسن مني، وكان عندي كرامة وعزة نفس، مش تحامل بس انتوا نسيتوا قوانين الدنيا، يعني انتي عايزاني أصرف على رفاهية ابنك بدل ما تقوليله اشتغل'.

وكشفت مي حلمي عن المتاعب التي واجهتها بسبب غربتها عن مصر، قائلة: 'محدش بيساعد حد، وناس متغربة وشغالة، محدش بيساعد حد إلا في الحالات القصوى، المرض، الحوادث، الحاجات الكبيرة، وأنا شغالة من وأنا عندي 16 سنة، إنما أصرف على ابنك عشان يلبس، انتي المفروض تساعديه عشان يبقي راجل مش تشحتيله'.

واختتمت موجهة رسالة للسيدة وجميع الأهالي: 'أرجوكم ربو عيالكم مش قادرة تربي وإن انتي تعرفيه يعني اية يبقى راجل، ماتخلفوش وتوجعوا دماغنا'.

ونالت مي حلمي قسطًا كبيرًا من هجوم المتابعين بسبب الكشف عن الرسالة، ومطالبتها بـ جبر خواطر المحتاجين، لتتعجب مي حملي متعجبة: 'بتدافعوا عن أية'.