قال المخرج محمد سامي، إنه يضايق كثيرًا من تواجد المعجبين ومحاولتهم التواجد دائمًا بجوار المنزل المقيم به، قائلًا: 'في تصرفات غريبة بتحصل من بعض المعجبين اللي عايزين يمثلوا'.
وعن المواقف الغريبة التي قابلت محمد سامي، أضاف خلال لقائه ببرنامج 'ليلة حمرا'، المذاع عبر فضائية 'النهار'، قائلًا: 'بنزل ممكن الاقي الناس واقفة تحت في مدخل العمارة، وممكن وحدة ترن جرس البيت وحصل كتير، وادخل المعجبين أشربهم حاجة وأخلي مي عمر تقابلهم وأخد أرقام تليفوناتهم والصور، وبعدين أنزل اتخانق مع الأمن تحت بعد كدا'.
وأكمل: 'أنا ضد وجود المعجبين عندي في المكان المقيم فيه لأن الأمر دا ليه خصوصية، لكن لو حصل دا معايا في المكتب مش هضايق وعادي جدا أستقبل المعجبين عندي في المكتب'.
اسمي ملفت للنظر
وتابع: 'أنا عندي مميزات وحاجات تخليني ملفت للنظر أكتر من أني أحاول بشخصي، زي اسمي، أنا اسمي ملفت للنظر والحمد لله دا مش غرور دا ثقه في النفس، بقالي كذا سنة ربنا خلاني أنجح النجاح اللي بحلم بيه وانا طفل، وأحلى حاجة في النجاح تحسي بيه لما بدخل مكان وبسلم على حد بيكون عارف أني محمد سامي المخرج الكويس'.
واستطرد: 'أنا مخرج بوهيمي شوية ودا بيأثر على حياتي الأسرية، لكن مراتي طيبة وعاقلة زيادة عن اللزوم بس ساعات بضايق ومأثر في حق عيلتي كلها ومراتي وبنتي، لأن بشوفهم وقت قليل، أكتر حاجة بتضايق منها مراتي عدم وجودي'.
تابعوا آخر أهل مصر على Google News
