عمرو أديب: وأنا صغير كنت أستاذ في سرقة الكتب

قال الإعلامي عمرو أديب إن أسعار الكتب ارتفعت بشكل كبير خلال الفترة الأخيرة، ولكن الدولة توفر الكتب بأسعار مناسبة إلى حد ما.

وخلال تقديم برنامجه «الحكاية»،عبر قناة «إم بي سي مصر»، اليوم الإثنين، تابع أديب: «الدولة عن طريق قصور الثقافة ومكتبات هيئة الكتاب، وفرت الكتب بأسعار مناسبة، لغاية دلوقتي ممكن تشتري كتاب».

وأكمل أديب: «في وقتنا كنا بنشتري الكتب القديمة من سور الأزبكية، أنا كان عندي مبدأ إن السرقة الوحيدة الحلال هي سرقة الكتب، طبعًا دي دعابة عشان محدش يطلع يقولك عمرو بيحرض على السرقة».

واختتم «أديب»: «أنا دايما كنت أسرق كتب، مش أسرق كتب من ورا حد، لكن يعني أخش أقول لحد أن عايز الكتاب ده ومرجعوش، كنت أستاذ في الحكاية دي، كان مزاج عندي أني أخد كتب من عند أي حد ومرجعهاش».