هاني رمزي: «أنا مع المهرجانات واللي مش عجبه ميتفرجش»

قال النجم هاني رمزي، إن كثرة الأمور الممنوعة في الوطن العربي، تضع الفنانين تحت ضغط كبير، مما يؤدي إلى تحجيم الفنان.

وأضاف 'رمزي'، في تصريحات تلفزيونية عبر فضائية 'القاهرة والناس'، قائلًا: 'عندنا ممنوعات كتير والفنان بيبقى دايما عنده طاقة وخيال وإبداع أنه يحلق من غير ما حد يؤيده'.

مشاكل الفن في مصر

وأكمل: 'عندي أفكار افلام كثيرة لا يجوز أقدمها في مصر سواء دينيا أو سياسيًا'، متابعا: 'هتلاقي محاذير كتير جدًا وعشان تطلع بحاجة تمس الناس هتلاقي كل فين وفين، وانا مش بحب أطلع أقول مواعظ وأنا بعيش مع الناس لحظة'.

وعن رأيه في أغاني المهرجانات، رد قائلا: 'أنا مع عدم منع المهرجانات واللي مش عجبه ميتفرجش إنما حد يمنع فن وابداع أنا ضده، وخلي الكل يعمل اللي عايزه وأنت كجمهور نقي والمواطن هو اللي يختار وبسمع المهرجانات واكتر مطرب بحبه عمر كمال'.