قالت الإعلامية ياسمين عز: 'خدتي بالك إن أول ما جوزك يدخل المطعم ويفتح المنيو بيكون حاسس بحزن وألم، عمرك سألتيه مالك يا فرعون لا انتي بتفكري في طبق الفتة اللي هتشفطيه وخلاص'.
وخلال حلقة برنامجها 'كلام الناس' عبر فضائية 'إم بي سي مصر' تابعت عز: 'هو زعلان عشان ملقاش اسمه في قايمة الحلويات، شيء غريب عجيب كل الحلويات أسماء ستات، أم علي، وغزل البنات، وبسبوسة، وصوابع زينب.. ليه مفيش حلويات باسم الراجل؟.. مفيش طبق حلويات اسمه أبو أحمد أو صوابع محمد أو عيون محمود أو حواجب مصطفى'.
واختتمت عز: 'أرجو من أصحاب المطاعم إضافة طبق حلويات باسم الفرعون الكبير والصغير وأنا متبرعة بحقوق الملكية لمصنع السكر للراجل السكر، الراجل فين؟، ده هو أصل الصناعة'.
وفي وقت سابق ردت الإعلامية ياسمين عز على منتقدي نصائحها الأخيرة خاصة بعدما أشار البعض إلى أن تصريحاتها كانت من باب الدعابة، مؤكدة أنها لن تتراجع عن آرائها، كما وجهت العديد من النصائح للزوجات.
وخلال برنامجها 'كلام الناس' المُذاع عبر شاشة 'إم بي سي مصر' تابعت عز: أنا ليا نصيب من اسمي ومعروف عني في الوسط الإعلامي من زمان إني بدلع الضيف وبعمل حوار حلو ما شاء الله عليا، وأنا بدخل البهجة على قلب الناس وبنام مفرفحة من كلامي كل يوم.
وواصلت ياسمين عز: لما بقولك قوليله يا أستاذ محمد بالتنعيم الشتوي أو يا محمد الكبير جدًا دا بيكون بجد ولن أتراجع عن كلامي وسجلوا لي.
كما وجهت عز العديد من النصائح للزوجات، قائلة: لو جوزك دكتور أسنان يبقى ربنا بيحبك دا رزق من ربنا، وفيه كل المواصفات اللي بتحلم بها أي ست، متواضع ومؤدب ولسانه بينقط سكر ولا بيطلع منه العيب، كاريزما وبيكون زي الدكتور النفسي من كتر الراحة معاه، وصوته شتوي طول الوقت من كتر البنج، وبيلمع ونضيف.
وأضافت عز: بقولك جوزك مش بيرد عليكي لأنه أنه أمين في شغله يرد على التلفون إزاي يا مدام دا بيعالج المريض ودقيق في شغله بطلي تظلميه وتفتكري أنه بيخونك، ومستحيل ست تندم أنها اتجوزت صيدلي، اتحداكم، لأنها متجوزة نسمة وبلسم، والصيدلي له نصيب من اسمه ومهنته، وعامل زي المرهم، ومش هيحتاج يسألك مالك هو بيعرف لوحده، دا ساحر وبيعرف الدوا من لونه.
تابعوا آخر أهل مصر على Google News
