عمرو أديب ينفعل على الهواء بسبب الوضع في سوريا: دي ناس مضروبة بقنبلة ذرية

كشف الإعلامي عمرو أديب تفاصل وتطورات الزلزال المدمر في سوريا وتركيا قائلا إن عدد الضحايا وصل في تركيا إلى 21 ألف.

وخلال تقديم برنامجه "الحكاية: عبر فضائية "إم بي سي مصر" تابع أديب: "أنا عايز أوجه كلامي للناس اللي دايما بيتكلموا عن حقوق الإنسان.. يا جماعة أنتم عاملين عقوبات على حكومة سوريا ولا على الشعب اللي بيموت تحت الأنقاض؟".

وواصل أديب منفعلا: "فين الرحمة؟.. فين الإنسانية؟.. الناس ليهم 5 أيام تحت الأنقاض ومفيش في ايده حاجة غير إنه يقول يارب.. ده في واحد ماسك حديدة بيكسر في مبنى عشان صاحبه تحت.. وراجل واقف مستني ابنه يخرج وبيقول عايز أدفنه.. هي دي حقوق الإنسان؟.. عقوبات إيه وبتاع إيه؟.. البنت مادة ايدها عشان تخرج من تحت الأنقاض وأنت تقولي عقوبات؟".

واختتم أديب: "سيبكم من الغرب.. فين جامعة الدول العربية؟.. حلب في كارثة.. وسوريا كلها في كارثة.. أنت بتتكلم عن ناس مضروبة بقنبلة ذرية.. هم 30 ثانية لكن زي قنبلة ذرية".