علق الإعلامي عمرو أديب، على هزيمة الفريق الأول لكرة القدم بالنادي الأهلي من فلامنجو البرازيلي بأربعة أهداف مقابل هدفين في مباراة تحديد المركز الثالث بـ كأس العالم للأندية.
عمرو أديب عن هزيمة الأهلي: أخطاء مرعبة
وقال عمرو أديب، خلال تقديم برنامجه 'الحكاية' المذاع عبر فضائية 'إم بي سي مصر': 'بنشكر النادي الأهلي على أدائه في بطولة العالم للأندية، اللاعبين حطت كل مجهودها وعملت كل اللي تقدر عليه'.
وأضاف عمرو أديب: 'لكن أنا شايف الأهلي هزم نفسه بنفسه وبصراحة هذا الفريق مش برازيلي أوي ليس فريق قوي والأهلي كان ممكن الأمور تكون أحسن من كده.. لازم أشكر اللاعبين والمجهود ومقدرش أتجاهل أن الأخطاء كانت مرعبة.. البلينتي اللي ضاع والأهداف اللي ضيعها شريف الحريف والشناوي والكرة اللي رجعوها وأدوها لمهاجم فلامنجو علشان يجيبوا الجون'.
وتابع عمرو أديب: 'يعني حسيت أن الماتش ده ممكن يطلع أحسن من كده.. ناس كتير بتسأل أنت مالك ومال الأهلي ليه حلال لما الزمالك يتغلب أهل مصر كلهم يتكلموا عن الزمالك ولكن مينفعش تتكلم عن الأهلي'.
وأكمل: 'أنا بتفرج على الأهلي كممثل عن الكرة المصرية من حقي أتفرج وأقول وأنا مقولتش حاجة وحشة اللي اتعمل في ماتش ريال مدريد اتعمل نفس الأخطاء.. مخلي المهاجم لآخر 3 دقائق'.
وأردف عمرو أديب: 'معلول صحيح ضيع ضربة جزاء ولكنه لاعيب محترم ومجهوده محترم. وأشير إلى أحمد عبد القادر وأرى أن المدرب مسؤول بنسبة 75% عن الهزيمة بتغير مراكز اللاعبين'.
وتساءل عمرو أديب: 'هو ليه الأهلي معندوش مهاجم وليه مش بيشتري مهاجم. شوفنا شريف وطاهر ضيعوا. الأهلي لو معاه مهاجم في المرتدات كنا شوفنا أهداف'.
واختتم عمرو أديب: 'على فكرة بالمناسبة الأهلي وصل لهذه البطولة بالصدفة يعني مكنش هيوصلها.. أنا عايز أسأل الأهلاوية اللي نايمين في حالة صعبة هل أنتوا راضين عن أداء الأهلي في البطولة؟ هل أنتوا شايفين أن الأهلي أدى أداءً جيدًا في هذه البطولة؟'.
تابعوا آخر أهل مصر على Google News
